நீங்கள் தேடியது "ஹாக்கி இந்தியா"

ஆசிய சாம்பியன்ஸ் டிராபி ஹாக்கி தொடரின் அரையிறுதி ஒன்றில் இந்தியா - ஜப்பான் அணிகள் மோதின. ஆட்டத்தின் 19-வது நிமிடத்தில் இந்தியாவின் குர்ஜந்த் சிங் முதல் கோலை பதிவு செய்தார். 22-வது நிமிடத்தில் ஜப்பான் பதில் கோல் போட்டது. இதனால் ஸ்கோர் 1-1 என சமநிலைப் பெற்றது.

44-வது நிமிடத்தில் சின்லென்சானா கோல் அடிக்க இந்தியா 2-1 என முன்னிலைப் பெற்றது. 55-வது நிமிடத்தில் இந்தியாவின் தில்ப்ரீத் சிங் ஒரு கோல் அடிக்க இந்தியா 3-1 என முன்னிலைப் பெற்றது. 56-வது நிமிடத்தில் ஜப்பான் ஒரு கோல் அடிக்க ஸ்கோர் 3-2 என ஆனது.

கடைசி நான்கு நிமிடத்தில் இரு அணிகளும் கோல் அடிக்காததால் இந்தியா 3-2 என வெற்றி பெற்று இறுதிப் போட்டிக்கு முன்னேறியது. இறுதிப் போட்டியில் பாகிஸ்தான் உடன் பலப்பரீட்சை நடத்துகிறது.

ஆசிய சாம்பியன்ஸ் டிராபி ஹாக்கிப் போட்டி ஓமன் தலைநகர் மஸ்கட்டில் நடைபெற்று வருகிறது. இதில் ஜப்பான் அணி தனது கடைசி ‘லீக்’ ஆட்டத்தில் உள்ளூர் அணியான ஓமனை எதிர்கொண்டது. இதில் ஜப்பான் 5 - 0 என்ற கோல் கணக்கில் வெற்றி பெற்றது.


அதன்படி நாளை நடைபெறவுள்ள இரண்டாவது அரையிறுதி போட்டியில் ஜப்பான் அணி, நடப்பு சாம்பியனான இந்தியாவை எதிர்கொள்கிறது. முதல் அரையிறுதியில் மலேசியா-பாகிஸ்தான் அணிகள் விளையாட உள்ளன. #AsianChampionsTrophy2018 #HockeyIndia #IndianHockey

இந்தோனேசியாவில் ஆசிய விளையாட்டு போட்டி நடைபெற்று வருகிறது. ஹாக்கியில் இந்திய ஆண்கள் மற்றும் பெண்கள் அணிகள் அபாரமான ஆட்டத்தை வெளிப்படுத்தி வருகின்றது.

இன்று நடைபெற்ற ஆண்களுக்கான லீக் ஆட்டத்தில் இந்தியா இலங்கையை எதிர்கொண்டது. இதில் இந்தியா 20-0 என இலங்கையை துவம்சம் செய்தது. இந்திய அணியின் அக்சய்தீப் சிங் 6 கோல்களும், ஹர்மன்ப்ரீத் சிங், ருபிந்தர் பால் சிங், மந்தீப் சிங் ஆகியோர் தலா மூன்று கோல்களும், லலித் குமார் உபத்யாய் 2 கோல்களும் அடித்தனர். விவேக் சாகர் பிரசாத், அமித் ரோஹிதாஸ், தில்ப்ரீத் சிங் தலா ஒரு கோலும் அடித்தனர்.



இந்த வெற்றியின் மூலம் ‘ஏ’ பிரவில் இடம் பிடித்துள்ள இந்தியா 5 போட்டிகளிலும் வெற்றி பெற்று 15 புள்ளிகளுடன் முதல் இடம்பிடித்து அரையிறுதிக்கு முன்னேறியுள்ளது. இந்தியா முதல் ஆட்டத்தில் இந்தோனேசியாவை 17-0 எனவும், ஹாங் காங்கை 26-0 எனவும், ஜப்பானை 8-0 எனவும், தென்கொரியாவை 5-3 எனவும் வீழ்த்தியிருந்தது.

ஆசிய விளையாட்டுப் போட்டியின் பெண்கள் ஹாக்கியில் இந்திய அணி ‘பி’ பிரிவில் இடம் பெற்றுள்ளது. இந்திய அணி தொடக்க ஆட்டத்தில் 8-0 என்ற கோல் கணக்கில் இந்தோனேசியாவையும், 2-வது ஆட்டத்தில் 21-0 என்ற கணக்கில் கஜகஸ்தானையும், 3-வது போட்டியில் 4-1 என்ற கணக்கில் தென்கொரியாவையும் வீழ்த்தியது. இதன்மூலம் அரை இறுதிக்கு முன்னேறி இருந்தது.

இந்திய அணி கடைசி ‘லீக்’ ஆட்டத்தில் தாய்லாந்தை இன்று சந்தித்தது. இன்று இந்திய வீராங்கனைகள் அபாரமான ஆட்டத்தை வெளிப்படுத்தினார்கள். முதல் பாதி நேரம் வரை இரு அணி வீரர்களும் கோல் அடிக்கவில்லை. 37-வது நிமிடத்தில் இந்திய அணியின் ராணி முதல் கோலை பதிவு செய்தார். 46-வது நிமிடத்தில் மேலும் ஒரு கோல் அடித்தார்.



52-வது நிமிடத்தில் மோனிகாவும், 55-வது நிமிடத்தில் நவ்ஜோத் கவுரும், 56-வது நிமிடத்தில் ராணியும் கோல் அடிக்க இந்தியா 5-0 என வெற்றி பெற்றது. ராணி ஹாட்ரிக் கோல் அடித்தார்.

இந்திய ஆண்கள் ஹாக்கி அணியும் ஏற்கனவே தான் மோதிய 4 ஆட்டங்களிலும் வெற்றி பெற்று இருந்தது. இந்தோனேசியாவை 17-0 என்ற கணக்கிலும், ஹாங் காங்கை 26-0 என்ற கணக்கிலும், ஜப்பானை 8-0 என்ற கணக்கிலும், தென்கொரியாவை 5-3 என்ற கணக்கிலும் வீழ்த்தி இருந்தது.

ஆசிய விளையாட்டு போட்டி இந்தோனேசியாவில் நடைபெற்று வருகிறது. ஆண்களுக்கான ஹாக்கி போட்டியில் ‘ஏ’ பிரிவில் இடம்பிடித்துள்ள இந்தியா இன்று தென்கொரியாவை எதிர்கொண்டது. இதில் இந்தியா 5-3 என வெற்றி பெற்றது.

ஆட்டத்தின் 32-வது நிமிடத்தில் இந்திய வீரர் ருபிந்தர் சிங் முதல் கோலை பதிவு செய்தார். பெனால்டி ஸ்ட்ரோக்கை சிறப்பான வகையில் கோலாக மாற்றினார்.

5-வது நிமிடத்தில் சிங்லென்சானா சிங் ஒரு கோல் அடித்தார். இதனால் இந்தியா 2-0 என முன்னிலைப் பெற்றது. 16-வது நிமிடத்தில் இந்திய வீரர் லலித் குமார் உபத்யாய் ஒரு கோல் அடிக்க முதல் பாதி நேரத்தில் இந்தியா 3-0 என வலுவான முன்னிலைப் பெற்றது.



2-வது பாதி நேரத்தில் தென்கொரியா ஆதிக்கம் செலுத்தியது. 33-வது நிமிடத்தில் கொரிய வீரர் மஞ்சய் ஜுங் கோல் அடித்தார். 36-வது நிமிடத்தில் மஞ்சய் ஜூங் மேலும் ஒரு கோல் அடித்தார். ஸ்கோர் 3-2 என ஒரு கோல் வித்தியாசம் மட்டுமே பெற்றது.

அதன்பின் இந்திய வீரர்கள் கொரியாவை கோல் அடிக்க விடவில்லை. இதனால் இந்தியா 3-2 என வெற்றி பெற்றது. இந்தியா தனது கடைசி லீக்கில் இலங்கையை எதிர்கொள்கிறது. இந்தியா இதுவரை விளையாடியுள்ள நான்கு போட்டிகளிலும் வெற்றி பெற்றுள்ளது. மூன்று கோல் வாங்கியுள்ள இந்தியா 56 கோல்கள் அடித்து 12 புள்ளிகளுடன் முதல் இடத்தில் உள்ளது.

ஆசிய விளையாட்டு போட்டியில் இன்று நடைபெற்ற ஹாக்கி குரூப் போட்டி ஒன்றில் ‘ஏ’ பிரிவில் இடம்பிடித்துள்ள இந்தியா - இந்தோனேசியா அணிகள் மோதின. ஆட்டம் தொடங்கியது முதல் இந்திய வீரர்கள் கோலாக அடித்துத் தள்ளினார்கள். இந்தியாவின் அட்டக் ஆட்டத்திற்கு இந்தோனேசியாவால் அணைபோட முடியவில்லை.

ஆட்டத்தின் 46-வது வினாடியில் ருபிந்தர் பால் சிங் முதல் கோலை பதிவு செய்தார். 3-வது நிமிடத்தில் ருபிந்தர் பால் சிங் மேலும் ஒரு கோல் அடித்தார். 7-வது நிமிடத்தில் தில்ப்ரீத் சிங் ஒரு கோல் அடித்தார். 10-வது நிமிடத்தில் ஆகாஷ்தீப் சிங் ஒரு கோல் அடித்தார்.

13-வது நிமிடத்தில் சிம்ரன்ஜீத் சிங் ஒரு கோல் அடித்தார். 25-வது நிமிடத்தில் சுனில் ஒரு கோல் அடித்தார். 27-வது நிமிடத்தில் விவேக் சாகர் ஒரு கோல் அடித்தார். 30-வது நிமிடத்தில் மந்தீப் சிங் ஒரு கோலும், தில்ப்ரீத் சிங் ஒரு கோலும் அடிக்க முதல் பாதி நேர ஆட்டத்தில் இந்தியா 9-0 என முன்னிலைப் பெற்றிருந்தது.

2-வது பாதி நேரத்திலும் இந்திய அணி ஆதிக்கம் செலுத்தியது. 31-வது நிமிடத்தில் ஹர்மன்ப்ரீத் சிங் ஒரு கோல் அடித்தார். 32-வது நிமிடத்தில் தில்ப்ரீத் சிங் கோல் அடித்தார். 38-வது நிமிடத்தில் சிம்ரன்ஜீத் சிங் கோல் அடித்தார். 45-வது நிமிடத்தில் லலித் குமார் உபத்யாய் கோல் அடித்தார்.



45-வது நிமிடத்தில் மந்தீப் சிங் கோல் அடித்தார். 49-வது நிமிடத்தில் மந்தீப் சிங் கோல் அடித்தார். 53-வது நிமிடத்தில் சிம்ரன்ஜீத் சிங் கோல் அடித்தார். 54-வது நிமிடத்தில் அமித் ரோஹிதாஸ் கோல் அடித்தார்.

இதனால் இந்தியா 17-0 என இந்தோனேசியாவை வீழ்த்தியது. இந்திய அணி சார்பில் மந்தீப் சிங், சிம்ரன்ஜீத் சிங், தில்ப்ரீத் சிங் ஆகியோர் தலா மூன்று கோல்கள் அடித்தனர்.

ஆண்களுக்கான உலகக்கோப்பை ஹாக்கி தொடர் நவம்பர் மாதம் 28-ந்தேதியில் இருந்து டிசம்பர் மாதம் 16-ந்தேதி வரை நடக்கிறது. இந்த தொடருக்கு ஒடிசா அரசு டைட்டில் ஸ்பான்சராக உள்ளது.

உலகக்கோப்பை ஹாக்கி தொடரை பிரபலப்படுத்த ஒடிசா அரசு பல்வேறு முயற்சிகள் செய்து வருகிறது. வெளிநாட்டைச் சேர்ந்த ரசிகர்கள் ஹாக்கி போட்டியை பார்க்க வருவதுடன், ஒடிசாவை சுற்றிப் பார்க்கவும் வந்தால் ஒடிசா மாநில சுற்றுலாத் துறையில் முன்னேற்றம் காணமுடியும். அதன் மூலம் அதிக வருமானம் ஈட்ட முடியும் என்று நினைக்கிறது.

இதன் முயற்சியாக வெற்றிகரகமாக கொண்டு செல்லும் வகையில் லண்டனில் பஸ்களில் உலகக்கோப்பை ஹாக்கி தொடருக்கான விளம்பரத்தை வெளியிட்டுள்ளது. இந்த பஸ் செல்லும் வழியெல்லாம் லண்டன் வாசிகள் மற்றும் லண்டனுக்கு வரும் வெளிநாட்டினர் இந்த விளம்பரத்தை பார்க்க வாய்ப்புள்ளது. அப்படி பார்த்து ஒடிசாவிற்கு வந்தால் அதிக அளவில் வருமானம் ஈட்டலாம் என நினைக்கிறது.



இந்த விளம்பரத்திற்கு ‘காலையில் ஒடிசா, மாலையில் ஹாக்கி’ என்று டைட்டில் வைத்துள்ளது. தற்போது லண்டனில் பெண்களுக்கான உலகக்கோப்பை ஹாக்கி தொடர் நடைபெறுகிறது. இதை பயன்படுத்தி ஒடிசா இந்த விளம்பரத்தை வெளியிட்டுள்ளது.

இந்தியா - நியூசிலாந்து ஆடவர் அணிகளுக்கு இடையிலான மூன்று போட்டிகள் கொண்ட டெஸ்ட் தொடர் பெங்களூருவில் நடைபெற்று வருகிறது. முதல் ஆட்டத்தில் இந்தியா வெற்றி பெற்றுள்ள நிலையில் 2-வது ஆட்டம் இன்று நடைபெற்றது. இதில் இந்தியா 3-1 என வெற்றி தொடரில் 2-0 என முன்னிலை வகிக்கிறது.

முதல் காலிறுதி நேரத்தில் இரண்டு அணிகளும் கோல் அடிக்கவில்லை. 2-வது காலிறுதி நேரத்தில் இந்தியா இரண்டு கோல்களும், நியூசிலாந்து ஒரு கோலும் அடித்தது. இதனால் பாதி நேர ஆட்டத்தில் இந்தியா 2-1 என முன்னிலைப் பெற்றது.



18-வது நிமிடத்தில் ருபிந்தர் பால் சிங்கும், 27-வது நிமிடத்தில் சிம்ரன்ஜீத் சிங்கும் கோல் அடித்தனர். 24-வது நிமிடத்தில் நியூசிலாந்து வீரர் ஸ்டீபன் ஜென்னெஸ் கோல் அடித்தார். 56-வது நிமிடத்தில் மந்தீப் சிங் ஒரு கோல் அடிக்க இந்தியா 3-1 என வெற்றி பெற்றது.

சர்வதேச ஹாக்கி பெடரேசன் இன்று அணிகளுக்கான தரவரிசையை வெளியிட்டது. இதில் இந்தியா அணி 6-வது இடத்தில் இருந்து ஒரு இடம் முன்னேறி ஐந்தாவது இடத்தை பிடித்துள்ளது. நெதர்லாந்தில் நடைபெற்ற சாம்பியன்ஸ் டிராபி தொடரில் இரண்டாம் பிடித்ததால் ஒரு இடம் முன்னேறியுள்ளது.



1906 புள்ளிகளுடன் ஆஸ்திரேலியா முதல் இடத்தில் உள்ளது. 1883 புள்ளிகளுடன் அர்ஜென்டினா 2-வது இடத்தையும், 1709 புள்ளிகளுடன் பெல்ஜியம் 3-வது இடத்தையும், 1654 புள்ளிகளுடன் நெதர்லாந்து 4-வது இடத்தையும், 1484 புள்ளிகளுடன் இந்தியா ஐந்தாவது இடத்தையும் பிடித்துள்ளது.

பெண்களுக்கான உலகக்கோப்பை ஹாக்கி தொடர் லண்டனில் அடுத்த மாதம் 21-ந்தேதி தொடங்குகிறது. இதில் இந்திய பெண்கள் அணி ‘பி’ பிரிவில் இடம்பிடித்துள்ளது. இதே பிரிவில் நம்பர்-2 அணியான இங்கிலாந்து, 7-ம் இடத்தில் இருக்கும் அமெரிக்கா மற்றும் 16-ம் இடத்தில் இருக்கும் அயர்லாந்து அணிகளும் இடம்பிடித்துள்ளன.

இந்த தொடருக்கான இந்திய அணி அறிவிக்கப்பட்டுள்ளது. அனுபவ வீராங்கனையான ராணி ரம்பால் கேப்டனாக நியமிக்கப்பட்டுள்ளார்.



இந்திய அணியில் இடம்பிடித்துள்ள வீராங்கனைகள் விவரம்:-

கோல்கீப்பர்கள்:- சவிதா (துணைக்கேப்டன்), ரஜானி எதிமார்ப்பு

டிஃபெண்டர்ஸ்:- சுனிதா லக்ரா, தீப் கிரேஸ் எக்கா, தீபிகா, குர்ஜித் கவுர், ரீனா கோகார்.

மிட்ஃபீல்டர்ஸ்:- நமிதா டோப்போ, லிலிமா மின்ஸ், மோனிகா, நேஹா கோயல், நவ்ஜோத் கவுர், நிக்கி பிரதான்

ஃபார்வர்ட்ஸ் வீரர்கள்:- ராணி ரம்பால் (கேப்டன்), வந்தனா கட்டாரியா, நவ்நித் கவுர், லால்ரெம்சியாமி, உதிதா